Senpaga kurso de esperanto (en pluraj lingvoj, eĉ germana).

Gramatiko, vortaro, prononco (mp3), ekzercoj, ktp.
www.cursodeesperanto.com.br

Emilio Cid
R.XV de Novembro, 217
11310-400 - Sao Vicente - SP
Brasil
tel. (13) 3468 5230

Esperanto - Lingua Internacional
http://www.esperantointernacia.hpg.com.br/
 

Das Aktuellste

Informationen aus Bayern

Informationen aus Deutschland

Informationen aus der Welt

Esperanto-Kongresse und Veranstaltungen

Impressum

La plej aktuala

Informoj el Bavario

Informoj el Germanio

Informoj el la tuta mondo

Esperanto-Kongresoj kaj -arangxoj

pres-indikaĵoj

Saluton!

Inter la 28-a de aprilo kaj 5-a de majo en Jugoslavio okazos seminario
Esperanto@Interreto kun ĉeftemo "Rete lingvumi" pri uzado de interreto,
lingvoinstruado, eblo envolviĝi en intrenaciaj projektoj kaj kun malalta
kotizo, alta repago de vojaĝkostoj!

Prelegantoj - Bertilo, Argilo Ralf Froelich...

La seminario taŭgas ankaŭ por Esperanto-komencantoj parolantaj la anglan.

Pliaj informoj kaj aliĝilo ĉe  http://www.tejo.org/seminarioj/echei2002_jug.jsp.

Bonvolu plivastigi la informon!

Amike,
Sonja Petrovic

Manifesto

 Al la Tutmonda Esperantistaro

             * LA INTERRETA OPORTUNO DE ESPERANTO *

                    Versio de: 2002.03.03

TEZOJ

Interreto estas decidiga oportuno por la estonto de Esperanto:
Ĉu por "Esperanto venkanta" aŭ por "Esperanto venkata":

Esperanto venkos en la mondo aŭ estos venkata en la mondo,
se ĝi venkas en Interreto aŭ estos venkata en Interreto.

Rilate Esperanton la reto povas ludi tre ekstremajn rolojn:

"plej granda danĝero" aŭ "plej granda helpanto".

Ni, kiuj volas helpi Esperanton atingi ĝian celon esti mondskale
disvastigata kaj komune akcpetata kiel La Internacia Lingvo,
devas profiti favore al nia lingvo la grandan povon kiun Interreto
havas por esti nia "plej granda helpanto".


FAKTOJ

Interreto estas ege grava por *iu* internacia lingvo:

La "babela problemo", kvankam konata teorie far multaj homoj,
estis antaŭe travivata, vere spertata, nur far malmultaj homoj:
Nur tiuj kiuj havis sufiĉan monon, socian tavolon, aŭ intelektajn
interesojn por vojaĝi aŭ rilatiĝi per legado, poŝto aŭ
telefonado internacie kun aliaj homoj.
  
Nun, Interreto estas la populariĝanta tutmonda UNIKA
FENOMENO KIU FRONTIGAS ĈIUJN HOMOJN ANTAŬ LA
LINGVA DIVERSECO. Ĝi portas tekstojn kaj voĉojn el foraj
landoj kaj en strangaj lingvoj ĝis la tablo kaj -baldaŭ- ĝis la
poŝo de iu ajn homo, en maniero multe pli vasta ol kurt-onda
radio kaj satelita televido. Samtempe la Reto permesas ke
propra persona esprimo estu konata tuj en foraj landoj, en
maniero multege pli facila ol kiun ebligis posedo de presilo aŭ
radia aŭ televida sendilo.
  
Tiel la "babela problemo" tuŝas, por la unua fojo, ĉiujn
individuojn, kaj la batalo por la pozicio de internacia lingvo jam
ne estas nur disvolviĝanta en la politikaj, diplomatiaj kaj
komercaj sferoj, sed en la reto, je vere populara tavolo.
  
Nuntempe ne malpliiĝas la graveco de tiuj ceteraj menciitaj
sferoj en kiuj unue kaj tradicie sentiĝis la bezono de komuna
lingvo, tamen la nuna pli granda akirebleco de scio kaj
teknologio, produktas plialtiĝon de la povo de individuoj kaj
homgrupoj, ne nur milita sed ankaŭ informa kaj komunikada.
  
La individuoj kaj homgrupoj nun havas la kapablon esti
rimarkinde povaj aktoroj en la batalo por solvi la babelan
problemon. La nuntempaj individuoj devus konsciiĝi pri tio, pri
sia povo ankaŭ en tiu-ĉi afero tutmonda.
    

PROPONITA AGADPLANO

Simile kiel interreto rapide disvatigis tutmonde sciojn pri teknikaj
aferoj (Ekzemple: "Linux", "Java", HTML, kaj senpagaj programoj
de "GNU"), la Reto povas esti profitata far Esperanto por rapide
disvastiĝi kiel la plejbona solvo por la "babela problemo":
SENPAGA, FACILA KAJ EFIKA lingvo internacia.

Por tio, mi proponas jenon:

Kvankam eble mi kontraŭas ĉi-rilate la opiniojn de kelkaj
instruistoj, mi opinias ke la reguleco de Esperanto ebligas
lernadon multe pli efika ol tiu celata en la plimulto da lernolibroj,
kiuj ŝajnas inspiritaj el nacilingvaj lernolibroj, ĉar tiaj lingvoj
estas ege neregulaj kaj malfacilaj. Tiaj instrumetodikoj
-miaopinie kaj miasperte- metas aferojn kaj ripetadojn kiuj en
Esperanto estas nenecesa balasto por la baza lingvo-akiro.

Eblas desegni "la plej efikan esperanto-kurseton por ĉiu nacia
lingvo" kaj meti ilin en la Reto, por ke iu ajn homo elŝutu ilin
SENPAGE KAJ SENKOPIRAJTE.

Ekzemple, en kelkaj kazoj oni povas profiti maksimume
similecojn inter vortoj aŭ gramatikaĵoj de Esperanto kaj de la
nacia lingvo. Kie tio ne eblas, la nura reguleco de Esperanto
ebligas ekonomion en la prezento de la baza gramatiko kaj
vortaro, simple *nekredebla* kompare kun tiuj de naciaj lingvoj.

Mi ne diras ke iu ajn homo, lerninta el tia kurseto, verkos baldaŭ
beletron konkursindan, sed certe akiros esprimivon je nivelo kiu
en iu ajn nacia lingvo postulus multege da tempo, mono kaj
mensa streĉo. Tio estas komenco.

La ideo pri tiaj kursetoj ne estas nova, ekzistis presaĵoj kun
nomo "Ŝlosilo" de Esperanto por pluraj lingvoj, sed bedaŭrinde
ŝajnas ke iuj kritikis ilin ĝis malaperigi ilian plian eldonadon.
La ideo estas en tiu linio, kaj eble pli en la linio de
"Fulmo-kursoj", kiuj ankaŭ ekzistas en Esperantio.

Mia propono, do, estas:

1- Desegni tiajn bazajn kursetojn, lernolibretojn, specife kaj
    plejefike desegnitaj por ĉiu nacia lingvo.
  
2- Meti en Interreton tiujn lernolibretojn, elŝuteblajn SENPAGE,
    SENKOPIRAJTE, KAJ KUN PERMESO POR KOPI, PRESI,
    MULTOBLIGI KAJ DISDONI ILIN.

3- Amase reklami pri la ekzisto de tiuj lernolibretojn.

4- Fari la samon, SENPAGE KAJ SENKOPIRAJTE, kun aliaj jam
    ekzistantaj kaj novaj lernolibroj kaj legolibroj en Esperanto.

La nuntempa kaj estonta akiro de scioj estas kaj estos pli rilata
al memlernado ol al instruado. Do, ni devas faciligi kaj disvastigi
la rimedojn por MEMLERNADO pli ol insisti en la trejnado de
instruistoj, kiuj ĉiam restos nesufiĉaj por la nombro de
parolantoj kiun ni celas.

Ni povas profiti la Reton por okazigi favore al Esperanto saman
fenomenon de perreta rapida (eĉ "virusa") diskonigado, kiu
okazas pri teknikaĵoj kiel "Linux".

Ni devas fari ke Interreto estu ilo por la triumfo de Esperanto. La ecoj kaj karaktero de nia Lingvo faciligas tion, sed necesas nia helpo por montri ĝin al la popolo kaj ebligi la akiron de la lingvo en la plej apartaj mondopartoj.

Esperanto venkos en la mondo aŭ estos venkata en la mondo,
se ĝi venkas en Interreto aŭ estos venkata en Interreto.


Amikece:
Luis Guillermo RESTREPO RIVAS
http://LuisGuillermo.com
Medellín, Kolombio, 2002.03.03

Das Aktuellste – La plej aktuala

BEL-KOMUNIKADO-2002/005
========================

OFICEJO DE "AMERIKA KOMISIONO"

Universala Esperanto-Asocio decidis starigi oficejon por Amerika Komisiono en Brasília, ĉefurbo de Brazilo.
La Oficejo ekfunkcios la 2-an de majo ĉi-jare, en ĉambro kiun Brazila Esperanto-Ligo prunte disponigis al UEA.
La poŝta adreso de la Oficejo estas: Cx. Postal 03811, Brasília, (DF)-Brazilo, 70084-970.
La telefon-numero kaj la e-adreso estas provizore tiuj de BEL -
(61) 226-1298-branĉo 20 kaj <bel@esperanto.org.br>, respective, ĝis oni akiros proprajn telefon-linion kaj retaliron.
La Oficejo certe estas granda paŝo kiun UEA faras por la antaŭenigo de nia movado en la amerika kontinento.

DEPARTEMENTO PRI KOMUNIKADO
BRAZILA ESPERANTO-LIGO
===========================  

Urbo et Orbi 2

Karaj Eŭropaj Gesamideanoj

Parma, 2002-03-03

Ĉu vi scias ke dum la Dimanĉo de Pasko 2002 ni aranĝos la duan internacian renkontiĝon kun E-flagoj kaj standardoj en Placo S.kta Petro de Romo okaze de la Solena Parolado de la Papo ene de lia Anĝelusa preĝo kaj tradiciaj plurlingvaj salutoj al la tuta Mondo?

Ni nomas nian duan ĉeeston "Urbi et Orbi 2" honore al la Papo Johano Paŭlo II, kiu ekde la jaro 1994 adoptis, por saluti la tutan mondon, ankaŭ la internacian lingvon Esperanton.

Tial ke la evento estas entute tre grava por la esperanta movado - sendepende de niaj personaj religiaj kredoj - unuafoje aro da gesamideanoj jam pensis aranĝi la "Urbi et Orbi 1"-renkontiĝon okaze de Kristnasko 2001. Ĝi tute sukcese disvolviĝis kun granda intereso de la ĉeestantoj, kiuj petis informojn pri nia iniciato, pri eblecoj kontakti E-organizojn en siaj hejmlandoj kaj kie lerni la internacian lingvon.

Nun Pasko estas proksima kaj ni estas preparantaj nin iri denove al Romo. La renkontiĝo okazos sur la belega kaj famkonata placo S.Petro apud la obelisko inter la 10.30a kaj la 11.00a horo de la 31a de marto. Ni multe dankas al ĉiuj eŭropaj kaj ekster-eŭropaj gesamindeanoj, kiuj pretos helpi kaj kuniĝi al ni profitante de la porokaza tutmonda televid-elsendo por doni gravecon al nia lingvo inter la lingvoj plejofte uzataj.

E-standardoj kaj sandviĉ-panelo kun la literoj de la vorto E-S-P-E-R-A-N-T-O estas jam pretigitaj. Treege bonvena estas via helpo kaj kontribuo por ke la iniciato estu vere sukcesa. Ekzemple faldfolioj, vizitkartoj kun la adresoj de via regionaj kaj naciaj E-kluboj kaj artikoloj kun foto por la gazetaro estus tre bonvenaj kaj oportunaj.

Fakte ni intencas laŭtvoĉe respondi al la esperantaj bondeziroj de la papo per trifoje ripetota "Longan vivon al la Papo". Ĝi ŝajnas al ni la plej konvena kaj trafa bondeziro nuntempe por la episkopo de Romo.

Do, venu al Romo laŭ nia devizo: "Natale con i tuoi...Pasko kun ni esperantistoj"

Por pliaj informoj bonvolu kontakti nin <pianetaurano@libero.it>,

Giovanni Conti <cont.giovanni@tiscalinet.it >

aŭ Carlo Sarandrea <ikue@ikue.org>

Elkore

Vittorio kaj Luisa Madella

===

Tre valora ekspozicio

FILATELA EKSPOZICIO- MATERIALO

LA RETROVITA ŜLOSILO DE LA BABELTURO

La ekspozicio-materialo estas havebla en la franca, en la itala, en la angla kaj en esperanto. Venontan jaron versio en la germana estos havebla. Bonvolu precizi la mendatan version!

Tiu ekspozicio de Jean-Pierre Ducloyer celas :

1. Montri, per proksimume 300 filatelaĵoj el 36 landoj, ke Esperanto estas universala lingvo, kiu vigle hodiaŭ vivas.
2. Montri per citaĵoj de eminentuloj el multaj landoj, el multaj politikaj aŭ religiaj tendencoj, ke Esperanto estas serioza afero en nia planede interkomunika mondo.

Ĝi enhavas tri ĉefajn ĉapitrojn :

1. Naskiĝo kaj disvolviĝo de Esperanto
2. Universala utileco de Esperanto
3. Kontribuaĵo de la filatelo al da disvolviĝo de Esperanto

Estas entute 103 kolorfotokopiaj folioj (A4), akireblaj je 90 Eŭroj (inkl. afranko en Eŭropa Unio), mendeblaj per e-mesaĝo : jpducloy@club-internet.fr

Tiu ekspozicio estis multfoje montrita en diversaj esperanto-kongresoj(UK Montpeliero, tutamerika-postkongreso en Oaxaca (Meksikio), internaciaj kaj naciaj fervojistaj kongresoj ktp

Josette DUCLOYER

===

Ekoturismo

estas konate, ke la jaro 2002 estas deklarita fare de UNO "Jaro de la ekoturismo". Ties ĉefa celo estas subteni edukon de homoj cele esti pli amikaj al naturo, ekkonon de la naturo precipe en naciaj parkoj kaj turismon en ĝiaj formoj, kiuj ne postlasas negativajn ŝpurojn en la naturo.

Ankaŭ esperantistoj aliĝas al tiu agado. Por ekoturisma renkontiĝo EKOTUR 2002 (2002-06-11/16) estis elektita Kvilda, vera kerno de la plej ampleksa nacia parko en Meza Eŭropo
Sumava/Bömerwald (ĉelima regiono sur teritorioj de Ĉeĥio, Germanio kaj Aŭstrio, deklarita kiel Eŭropa pejzaĝo de la jaro 1999/2000).

Oni dumtage piede ekkonos la plej valorajn lokojn de la montaro (fonton de la rivero Vltava (Moldau), Praarbaron Boubin, unikajn faŭnon kaj floron kaj tre interesajn profundajn torfmarĉejojn.

Vesperoj estos dediĉitaj al prelegoj kaj diskutoj pri ekoturismo, ekologio ĝenerale kaj pri la nacia parko Sumava/Böhmerwald.  

La partoprenantoj povos elekti partoprenon kun favorpreza tranokto en tristela hotelo en kiu okazos la vesperaj programoj (kun duonpensio jam de EUR 128 por la tuta restado) aŭ eĉ kun la plej favorpreza
tranoktejo sen ajna manĝo, kun disponebla kuirejo por mempizorgado de EUR 35 por la tuta restado).

Pli precizajn informojn vi povas trovi ĉe www.kava-pech.cz/ekotur,
aŭ ĉe chrdle@kava-pech.cz.

Mi petas ankaŭ tiujn, kiuj ne intencas veni al Ekotur, tamen interesiĝas pri ekoturismo, aliĝi ĉe la sama retadreso, ke ni, interesatoj pri turismo en la formo de piedirado, biciklado, skiturismo, senmotora boatado aŭ ĉevalrajdado eksciu pri ni reciproke kaj povu kulabori ankaŭ estonte.

Petro Chrdle
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
Petro Chrdle, Anglicka 878, 252 29 Dobrichovice
Tel.: x420 2 991 2201, fax: x420 2 991 2126
E-mail: chrdle@kava-pech.cz
http://www.kava-pech.cz

===

Saluton, karaj gesamideanoj!

Mi ĝoje informas, ke ĵus oni akceptis al la fama TTT-ejo mp3.com du miajn kantojn.

Antaŭ nelonge tie estis nur unu kanto, kaj nun jam tri. Vizitu: http://artists.mp3s.com/artists/307/mihxail_povorin.html !

Elŝutu, aŭskultu, ĝuu!

Samideane, Miĥail Povorin.

===

Nova konkurso de la E-Redakcio de PR

Karaj geaŭskultantoj

Plurfoje en niaj elsendoj ni substrekas la gravecon de viaj opinioj pri nia laboro, pri la signifo de la esperantlingvaj elsendoj kiel grava komunikilo por diverslandaj esperantistoj, kiel grava informperilo pri Pollando. Komence de februaro ni anoncis laŭvican konkurson, kiu – ni kredos – alportos novajn argumentojn al ni kaj al niaj superuloj pri la graveco de la esperantlingvaj programoj el Varsovio. Ja inter niaj geaŭskultantoj troviĝas multaj novaj radioamikoj, inter niaj superuloj (multkaze ankaŭ novaj) estas personoj, kiuj ne ĉiam tuj rimarkas la informan valoron de niaj programoj, firme kredante, ke la rolon de la internacia lingvo en la nuntempa mondo kontentige plenumas la angla lingvo. Jen nia konkursdemando:

“ Kian signifon havas por vi persone kaj por eksterlandanoj ĝenerale la Esperantlingvaj elsendoj de Pola Radio en la situacio, kiam ni frontas la laŭvican etapon de la eŭxropa integriĝado kaj fenomenojn ligitajn kun la tutmondiĝo?”

Ni substreku, ke:

1.    Niaj E-elsendoj estas aŭdigataj el la naskiĝlando de Esperanto kaj ĝia kreinto Ludoviko L. Zamenhof;

2.    Niaj elsendoj estas aŭdigataj el la lando, en kiu komenciĝis la demokratiigaj procezoj en la Orienta Eŭropo;

3.    Niaj elsendoj estas aŭdigataj el la lando, kiu donis al la mondo multajn rimarkindajn kaj eminentajn figurojn, kiel ekzemple Johano Paŭlo II.

4.    Niaj elsendoj estas aŭigataj el la lando, kiu multe kontribuis al la monda kulturo kaj scienco; La nomoj de ia. M. Kopernik, M. Curie-Sklodowska, F. Ĉopin, K. Penderecki, A. Wajda, T. Kieslowski, Cz. Milosz, W. Szymborska, signifas kontribuon al la evoluo de la homaro.

5.    Niaj elsendoj estas aŭdigataj el la lando, pri kiu kaj pri kies najbaroj la informado en la mondaj amaskomunikiloj, eĉ la eŭropuniaj estas preskaŭ nula.

La respondojn - interrete, poŝte, fakse ni atendas ĝis la 20-a de marto de la 2002.

Viajn konkursaĵojn direktu do al: esperanto.redakcio@radio.com.pl; aŭ Pola Radio, Esperanto Redakcio, 00-977 Varsovio, poŝtkesto 46, Pollando aŭ Pola Radio, Esperanto Redakcio, faksonumero                    +48 (22) 645 59 17. Ni estos dankemaj se vi volos mencii vian aĝon kaj profesion.

La kontribuaĵojn al la konkurso ni prezentos fragmente en niaj dimanĉaj “Leterkestoj”, la priparolon de la konkur-rezultoj ni prezentos en la 43-a jubileo de nia Redakcio, la 4-an de aprilo nunjare kaj en sekvanta “Leterkesto” la 7-an de aprilo.

En la konkurso ni lotumos inter ĉiuj partoprenantoj valorajn objektajn premiojn.

Ni deziras al vi bonŝancon en la lotumado de la premioj.

Ni forte esperas, ke vi subtenos nian laboron per via partopreno en la konkurso.

Popularigu ĝin inter viaj samklubanoj kaj leteramikoj!

Estro de la E-Redakcio

Barbara Pietrzak

JHV 2002 der Esperanto-Gruppe Nürnberg

BELO- ĈEFKUNVENO 2002

Städtepartnerschaft Forchheim(Oberfranken und Gherla(Rumänien)  Ĝemeleco inter Forchheim(Supra Frankonio) kaj Gherla(Rumanio)

Subskribkampanjo

Eventoj en Kronach

Termine der bayerischen Ortsgruppen

BELO- Hauptversammlung 2002

Reagoj el Esperantujo

Unser DEB-,  UEA-  und  BELO- Mitglied Rudolf Kratzmann wird am 13. März 2002 90 Jahre alt.

Er freut sich sicher über zahlreiche Glückwünsche per Post, Gratulationsanrufe u.ä.

Rudolf Kratzmann

85126 Münchsmünster

An der Weide 16

Tel.: 08402 / 368

Franz Knöferl

Vorsitzender des Esperanto-Sprachklubs Pfaffenhofen

Nia membro de GEA, UEA kaj BELO Rudolf Kratzmann la 13an de marto 2002 festos sian 90an naskiĝtagon.

Li certe ĝojos ricevi multajn poŝtajn gratulojn aŭ gratul-alvokojn k.t.p.

Rudolf Kratzmann

DE-85126 Münchsmünster

An der Weide 16

Germanio

telefono: +49 8402 368

Franz Knöferl

Prezidanto de la Esperanto-Lingvoklubo Pfaffenhofen